बीरगन्ज, ६ जेठ । बीरगन्ज महानगरपालिकाको मेयरमा पाँच दलीय गठबन्धनका उम्मेदवार जनता समाजवादी पार्टीका नेता राजेशमान सिंहकाे अग्रता कायमै रहेको छ । नेकपा एमालेका उम्मेदवार बिजय सरावगी भन्दा सिंहले दोब्बरभन्दा बढी मतले अग्रता लिइरहेका छन् ।
सिंह र नेकपा एमालेका बिजय कुमार सरावगीबिच ११ हजार ८ सय २७ मतको फराकिलो अन्तर खडा भएकाे छ । बीरगन्ज महानगरपालिकाको पछिल्लो मत गणनाको मत परिमाण अनुसार सिंहले २४ हजार ३ सय १६ मत प्राप्त गरी अग्रता कायमै गरेको छ ।
हाल सम्म ३२ वडा मध्ये मध्ये २० वडाको ४७ हजार ७ सय ५४ मत गणना हुँदा सम्म नेकपा एमालेका उम्मेदवार सरावगीले १२ हजार ४ सय ८९ मत प्राप्त गरेका छन् भने राष्ट्रिय प्रजातन्त्र पार्टी (राप्रपा) का गिरीश गिरीले १ हजार ४ सय ८७ मत प्राप्त गरेका छन् । शुरु देखि नै मेयर पदमा लिड गरी रहेका राजेशमान सिंह आफ्नो सरावगीसँगको मतान्तर बढाउँदै लगेका छन् । २० वटाको मत गणना सकिदा सम्म दुबै उम्मेदवारहरुले आफ्नो जित सुनिश्चित रहेको दावी गर्दै आएका छन् ।
