वीरगंज, १६ साउन /
नेपाल प्रेस युनियन पर्साले प्रदेश नं.– २ का उर्जा तथा खानेपानि विकास मन्त्री ओम प्रकाश शर्मालाई आज एक कार्यक्रमका बिच सम्मानित गरेको छ ।
वीरगंज स्थित एक होटलमा प्रेस युनियन पर्साका अध्यक्ष रामनारायण कुर्मीको अध्यक्षतामा आयोजना भएको सम्मान कार्यक्रमका प्रमुख अतिथीसमेत रहेका उर्जा तथा खानेपानि विकास मन्त्री शर्माले प्रदेश २ का सञ्चारकर्मीहरुको हकहितका लागी एउटा नयाँ योजना बिस्तार गर्न आफु लागेको बताउनुभयो । सो योजना विद्युत सम्बन्धीत रहेको र योजना बिस्तार भएपछि प्रदेश २ का टेलिभिजन र रेडियोहरुको लागी राहतको अनुभुति महसुसहुने बताउनुभयो ।
सम्मान कार्यक्रममा प्रमुख अतिथी मन्त्री ओम प्रकाश शर्मा, विशिस्ट अतिथी वीरगंज उद्योग वाण्ज्यि संघका अध्यक्ष सुवोध गुप्ता, प्रजातन्त्रवादि प्रध्यापक संघका उपाध्यक्ष कन्हैया झा, तरुणदलका केन्द्रिय पार्सद हुकुम सिंह, नेपाल पत्रकार महासंघ एसोसिएट प्रदेश समितिका सदस्य सन्तोषकुमार मिश्र लगायत अन्य अतिथीहरुको उपस्थीती रहेको थियो । नेपाल प्रेस युनियन पर्साका सचिव किशोरलाल सिंहले कार्यक्रमलाई सहजिकरण गर्नु भएको थियो ।
